დადიანის მემორიალის ფინალის მონაწილეები და თარიღი ცნობილია!

დუდუ დადიანის მემორიალით საქართველოში 2026-2027 წლების საკალათბურთო სეზონი ოფიციალურად გაიხსნა.

წელს ტურნირი მინიტურნირის ფორმატით ტარდება და მას უკვე ტრადიციულად რუსთავი მასპინძლობს. აღსანიშნავია, რომ ნახევარფინალური მატჩები დაძაბული და შედეგიანი გამოდგა.

პირველ ნახევარფინალში ერთმანეთს სუპერლიგაში აღზევებული ახალციხე და ტურნირის მოქმედი გამარჯვებული თელავი დაუპირისპირდნენ. შეხვედრა თელაველთა უპირატესობით წარიმართა და საბოლოოდ მათი გამარჯვებით, 87:70 დასრულდა.

გამარჯვებულებს 25 ქულით გრეგორი მილტონმა ულიდერა, ხოლო გიორგი ცაგარეიშვილმა ორმაგი დუბლი (11 ქულა, 9 მოხსნა) მიითვალა.

მეორე წყვილში კავკასიის საერთაშორისო უნივერსიტეტის გუნდმა (კსუ) მასპინძელი რუსთავი მისსავე მოედანზე 30 ქულით, 96:66 გაანადგურა. კსუ-ს რიგებში საუკეთესო სანდრო სანაძე იყო 21 ქულითა და 4 პასით, ორმაგი დუბლი კი გიორგი ტურძილაძემ (10 ქულა, 10 მოხსნა) გაიფორმა.

ცნობილია ფინალური დღის განრიგიც: 22 სექტემბერს, 16:30 საათზე, მესამე ადგილისთვის რუსთავი და ახალციხე ითამაშებენ, ხოლო ჩემპიონის ტიტულისთვის მთავარ ბრძოლაში კსუ თელავს 19:00 საათზე დაუპირისპირდება.