VIDEO: ბათუმის ბრძოლა ჩემპიონთა ლიგაზე და შემდეგი ეტაპი

ბუბა ბერიშვილის გაწვრთნილმა ბათუმმა საკალათბურთო ჩემპიონთა ლიგის საკვალიფიკაციო ეტაპის ნახევარფინალში რუმინულ ორადეასთან მნიშვნელოვანი მატჩი გამართა.

ბათუმელებმა დაძაბულ ბრძოლაში 77:93 დათმეს შეხვედრა და ამით ჩემპიონთა ლიგის ჯგუფური ეტაპისთვის ბრძოლას ოფიციალურად გამოეთიშნენ.

მიუხედავად ამისა, მათი ევროპული სეზონი არ სრულდება და გუნდი ასპარეზობას ფიბა-ევროპის თასის ჯგუფურ ეტაპზე გააგრძელებს.

რუმინულ კლუბთან შეხვედრაში ქართული გუნდის შემადგენლობაში ორი გამორჩეული ლიდერი იყო, რომლებმაც მოედანზე მაქსიმუმი გაიღეს.

გიორგი ოჩხიკიძემ გუნდს 22 ქულა და 8 შედეგიანი გადაცემა შესძინა, ხოლო ლარი ჰოუელმა აქტივში 23 ქულა და 8 მოხსნა ჩაიწერა, თუმცა მათმა შესანიშნავმა თამაშმა ბათუმელები მარცხისგან ვერ იხსნა.

br>