VIDEO: მესიმ ტრავმა მიიღო - ინტერ მაიამიმ პენალტებში მოიგო

ჩრდილოეთ ამერიკაში ტურნირი ტარდება, სადაც ერთმანეთს ამერიკული MLS-სა და მექსიკური Liga MX-ის გუნდები უპირისპირდებიან.

გათამაშების მე-2 ტურში ერთმანეთს ინტერ მაიამი და ნეკაქსა შეხვდნენ.

მე-11 წუთზე ლიონელ მესიმ ტრავმის გამო თამაშს გაგრძელება ვეღარ შეძლო, თუმცა აქედან ერთ წუთში ტელასკო სეგოვიამ ანგარიში გახსნა.

მე-17 წუთზე კი მაქსიმილიანო ფალკონმა წითელი ბარათი მიიღო და გუნდი კაცნაკლული დარჩა. 33-ე წუთზე ნეკაქსამ ბადალონის გოლით ანგარიში გაათანაბრა და პირველი ტაიმი 1-1 დასრულდა.

მე-60 წუთზე უკვე მექსიკური გუნდიც დარჩა კაცნაკლული. 81-ე წუთზე სტუმრები მონრეალის გოლით წინ გავიდნენ და ინტერი მარცხთან ახლოს იყო, თუმცა კომპენსირებულ დროში ჟორდი ალბამ შეძლო გოლის გატანა.

პენალტების სერიაში მაიამიმ 5-4 იმარჯვა. გოლები დე პაულმა, კრემასკიმ, ალბამ, რედონდო სოლარიმ და სუარესმა გაიტანეს.

პენალტებში გამარჯვების გამო MLS-ის გუნდს 2 ქულა დაემატა და ორი ტურის შემდეგ 5 ქულა აქვს.