VIDEO: რიბაკინამ შვიონტეკი დაამარცხა - AO-ს ქალთა ბადეში მესამე 1/2 ფინალისტიც გაირკვა
1 სთ წინ · 0 წთ წასაკითხად
ლინკის დაკოპირება
-
Aa
+
ფონტის ზომა
ავსტრალიის ღია პირველობის 2023 წლის ფინალისტმა, ელენა რიბაკინამ მსოფლიოს მე-2 ჩოგან იგა შვიონტეკს 2 სეტში მოუგო და AO-ს 1/2 ფინალში გავიდა.
ყაზახმა პირველი სეტი რთულად, ბოლო გეიმში შესრულებული ბრეიკით დახურა, რასაც მეორე პარტიაში სრული დომინაცია და მატჩის 1 საათსა და 36 წუთში დასრულება მოჰყვა - 7:5; 6:1.
რიბაკინა ბოლო დროს WTA ტურში ერთ-ერთი საუკეთესოა და ბოლო 19-დან 18 შეხვედრა აქვს მოგებული - მხოლოდ ბრისბენის ტურნირის 1/4 ფინალში დამარცხდა, კაროლინა მუხოვასთან.
26 წლის ყაზახი, რომელიც ამჟამად მსოფლიოს მე-5 ჩოგანია, AO-ს 1/2 ფინალში 2023 წლის შემდეგ პირველად გავიდა - მაშინ ფინალამდე გააღწია და იქ არინა საბალენკასთან 3-სეტიან ბრძოლაში დამარცხდა.
რაც შეეხება შვიონტეკს, მას კარიერული სლემის (4-ვე დიდი სლემის ტურნირის მოგება) არც წელს გამოუვა, რადგან ამისთვის სწორედ AO-ს ტიტული აკლია.
