VIDEO: სინერმა ზვერევი გაანადგურა და მადრიდის მასტერსი მოიგო

მადრიდში 1000-ქულიანი მასტერსის ფინალი გაიმართა.

გადამწყვეტ მატჩში ერთმანეთს მსოფლიო რეიტინგის ლიდერი იანიკ სინერი და მე-3 ნომერი ალექსანდერ ზვერევი დაუპირისპირდნენ. შეხვედრა სულ რაღაც 58 წუთი გაგრძელდა და იტალიელის გამარჯვებით 2 სეტში (6-1, 6-2) დასრულდა.

იანიკ სინერმა ამ გამარჯვებით ისტორია დაწერა და გახდა ისტორიაში პირველი კაცი ჩოგბურთელი, რომელმაც ზედიზედ 5 მასტერსი მოიგო. ეს ჯამში მისი მე-9 მასტერსია, კარიერაში კი 24 წლის იტალიელის ანგარიშზე უკვე 28 ტიტულია.

სინერმა ჩემპიონობის გზაზე ბონზი, მოლერი, ნორი, ხოდარი, ფილსი და ზვერევი დაამარცხა, ეს ყველაფერი კი სეტის წაუგებლად გააკეთა.