VIDEO: სრული სიგიჯე რომა - ლილის მატჩში - მეკარემ ერთი პენალტი სამჯერ მოიგერია

ევროპა ლიგის მატჩში, რომელშიც რომა ლილს მასპინძლობს, წარმოუდგენელი რამ მოხდა.

მატჩის მიწურულს, როცა მასპინძლები 0:1-ს აგებდნენ, ლილის კარში პენალტი დაინიშნა, რომელიც რომაელთა ფორვარდმა არტიომ დოვბიკმა შეასრულა და მეკარეს ვერ აჯობა - ბერკე ოზერმა ბურთი მოიგერია.

გამეორებაზე გამოჩნდა, რომ მცველმა საჯარიმოში დარტყმამდე შეირბინა და დოვბიკს დარტყმის გამეორების საშუალება მიეცა - უკრაინელმა იგივე კუთხეში დაარტყა, თუმცა მეკარეს კვლავ ვერ აჯობა.

მეორე დარტყმის დროს თავად მეკარეს არ ჰქონდა ფეხი ხაზზე და რომამ ერთი პენალტის მესამედ შესრულების უფლება მიიღო - ამჯერად ბურთთან მატიას სოულე მივიდა, რომელმაც დარტყმის დროს კუთხე შეცვალა, მაგრამ ოზერმა ეს დარტყმაც მოიგერია. ამჯერად სრული წესების დაცვით.

საბოლოოდ, ლილმა მინიმალური უპირატესობა მეკარის გმირობების ხარჯზე შეინარჩუნა და რომიდან გამარჯვებულიც წამოვიდა.

იხილეთ ეპიზოდის ვიდეო: