VIDEO: უელბეკმა ბრაიტონს ნიუკასლთან მოაგებინა - თოლიები შემდეგ ეტაპზე არიან

ინგლისის FA თასის 1/8 ფინალში ნიუკასლმა სენტ ჯეიმს პარკზე ბრაიტონი მიიღო.

ანგარიში 22-ე წუთზე ალექსანდერ ისაკმა პენალტის საშუალებით გახსნა, 44-ე წუთზე კი იანკუბა მინტემ წონასწორობა აღადგინა.

გუნდებმა 90 წუთი 10-10 კაცით დაასრულეს. ნიუკასლის მხრიდან პირდაპირ წითელი ბარათი ენტონი გორდონმა მიიღო 83-ე წუთზე, კომპენსირებულ დროში კი ტარიქ ლემპტიმ დაიმსახურა მეორე ყვითელი ბარათი.

მსაჯის მიერ დამატებულ მე-3 წუთზე ფაბიან შერმა გაიტანა გოლი, თუმცა ბურთი თამაშგარე მდგომარეობის გამო არ ჩაითვალა.

ძირითადმა დრომ გამარჯვებული ვერ გამოავლინა და დამატებითი ტაიმები გახდა საჭირო. 114-ე წუთზე კი გადამწყვეტი გოლი დენი უელბეკმა გაიტანა და ბრაიტონი თასის 1/4 ფინალში გაიყვანა.