ზედიზედ მეხუთედ - კილიან მბაპე ლიგა 1-ს საუკეთესო ფეხბურთელი გახდა

საფრანგეთის ჩემპიონატის 23/24 სეზონის საუკეთესო ფეხბურთელად კილიან მბაპე დასახელდა.

პსჟ-ს ფორვარდმა ეს ჯილდო ზედიზედ მეხუთედ მოიგო.

კილიანმა აღნიშნული პრიზი 2019, 2021, 2022, 2023 და ახლა უკვე 2024 წლებში მოიგო. 2020-ში ის კორონავირუსის გამო არავისთვის არ გადაუციათ.

ლიგა 1-ს სიმბოლურ თერთმეტეულში პსჟ-ს შვიდი ფეხბურთელი მოხვდა

ფრანგმა ფორვარდმა საკუთარი რეკორდი გააუმჯობესა - ხუთჯერ ეს პრიზი არავის არ მოუგია. ჩემპიონატის საუკეთესო ფეხბურთელის წოდება სამჯერ გადასცეს ზლატან იბრაჰიმოვიჩს, ორჯერ კი ედენ აზარს.

ამ სეზონის 29 მატჩში მბაპემ 27 გოლი და 7 საგოლე პასი მიითვალა და უახლოეს ბომბარდირთა დავაში თავის პირველ მდევარს, ლილის ფორვარდს ჯონათან დევიდს 8 გოლით უსწრებს.