ჟერომ როტენი: "გრიზმანი ნაკრებში უნდა დააბრუნონ"

საფრანგეთის ნაკრების ექს-ფეხბურთელი ჟერომ როტენი, გუნდში ანტუან გრიზმანის დაბრუნების მომხრეა.

ატლეტიკოს შემტევმა სანაკრებო კარიერის დასრულების გადაწყვეტილება 2024 წლის სექტემბერში მიიღო.

„თუ ის ატლეტიკოში დარჩენას გადაწყვეტს, ესეიგი ჯერ კიდევ შესწევს ძალა, რომ გუნდს წარმატებაში დაეხმაროს და თავისი წვლილი შეიტანოს.

იდეაში, ევროპის ერთ-ერთი საუკეთესო კლუბის, ატლეტიკოს სასტარტოს უცვლელი წევრი, რომელიც აქტიურად იღებს სათამაშო დროს და იშვიათად იმტვრევა, ნაკრებში უნდა იყოს. გარდა ამისა, სახეზეა, რომ საფრანგეთს ცენტრში პრობლემები აქვს.

ოლისეს გარდა, რომელიც ბაიერნში ვინგერის პოზიციაზე თამაშობს, ნაკრებს გრიზმანის დონის გამთამაშებელი არ ჰყავს ტექნიკის, თამაშის ხედვის და გამოცდილების თვალსაზრისით. არამგონია, რომ გრიზმანს დაბრუნების იდეა არ ჰქონდეს თავში. მას ეროვნულ გუნდში ბოლო სიტყვა ჯერ არ აქვს ნათქვამი." - აღნიშნა როტენმა.