„ოცნება ამიხდა“ - როდრი ბარსელონაში ჩაფრინდა და პირველი კომენტარი გააკეთა

მანჩესტერ სიტის ნახევარმცველი როდრი ბარსელონაში ჩაფრინდა, რათა ზაფხულის მთავარი ტრანსფერი ოფიციალურად დაასრულოს.

გამოცემა Mundo Deportivo-ს ცნობით, ბარსელონა და მანჩესტერ სიტი კვირას ტრანსფერზე საბოლოოდ შეთანხმდნენ. კატალონიური კლუბი ესპანელ ფეხბურთელში ფიქსირებულ 60 მილიონ ევროს გადაიხდის, რასაც ბონუსების სახით კიდევ 11 მილიონი ევრო დაემატება.

ორშაბათს საღამოს როდრი ბარსელონაში ჩავიდა, ჟურნალისტებს შეხვდა და პირველი კომენტარი გააკეთა:

ბედნიერი ვარ ჩამოსვლით, დატვირთული დღეები იყო. მოხარული ვარ, რომ აქ ვარ. ბარსელონაში თამაში ჩემი ოცნებაა. ჩვენ შევეცდებით მოვიგოთ ჩემპიონთა ლიგა და ყველა შესაძლო ტიტული

სამშაბათს დილით როდრი სამედიცინო შემოწმებას გაივლის, რის შემდეგაც ბარსელონასთან კონტრაქტს ოფიციალურად მოაწერს ხელს.

🚨🔵🔴 Rodri has arrived: “It’s a dream to be here. We will go for every title”. 🏆✨@victor_nahe 🎥 pic.twitter.com/LZMl0U5XE8

— Fabrizio Romano (@FabrizioRomano) August 17, 2026