VIDEO: დუბლი და საგოლე პასი - მესის მორიგი ბრწყინვალე მატჩი MLS-ში
25 სექ, 2025 · 0 წთ წასაკითხად
-
Aa
+
ფონტის ზომა
MLS-ის მორიგ სათამაშო დღეს ნიუ იორკ სიტიმ საკუთარ მოედანზე ინტერ მაიამი მიიღო.
შეხვედრა ინტერის გამარჯვებით 0-4 დასრულდა. მორიგი ბრწყინვალე მატჩი ჰქონდა ლეო მესის, რომელმაც დუბლი და საგოლე პასი მიითვალა.
არგენტინელმა საგოლე გადაცემა ბალტასარ როდრიგესს გაუკეთა, რომელმაც ანგარიში გახსნა. 74-ე წუთზე მესიმ ბუსკეტსის პასის შემდეგ მეკარეს ბურთი თავზე გადაუგდო და სხვააოა ორამდე გაზარდა, 83-ე წუთზე ლუის სუარესმა პენალტით ანგარიში 0-3 გახადა, 84-ე წუთზე კი მესიმ სოლო-რეიდის შემდეგ დუბლი შეასრულა
ინტერ მაიამის 29 მატჩის შემდეგ 55 ქულა აქვს და აღმოსავლეთ კონფერენციაში მე-3 ადგილზეა, ლიდერ ფილადელფიასთან ჩამორჩენა 5 ქულაა, რომელსაც 2 მატჩით მეტი აქვს ჩატარებული.
აღსანიშნავია, რომ ლიონელ მესიმ Sofascore-სგან ზედიზედ მეორე მატჩში დაიმსახურა 10.0 შეფასება. არგენტინელს ბოლო 3 მატჩში 5 გოლი და 3 საგოლე გადაცემა დაუგროვდა, 24 გოლით კი ის MLS-ის მიმდინარე სეზონის ბომბარდირია.
მესის კარიერულ 900 გოლამდე 16 გოლი აკლია, 400 ასისტამდე კი - 8 საგოლე გადაცემა.
