VIDEO: შეშკოს დუბლი - ბარნლიმ ფლეტჩერის მანჩესტერთან ქულა მოიპოვა

ინგლისის პრემიერ ლიგის 21-ე ტურში ბარნლიმ საკუთარ მოედანზე უმწვრთნელოდ დარჩენილი მანჩესტერ იუნაიტედი მიიღო.

წითელ ეშმაკებს დღევანდელ შეხვედრაში დარენ ფლეტჩერმა უთავკაცა, რომელიც რუბენ ამორიმის გათავისუფლების შემდეგ, დროებით ასაკობრივი გუნდიდან დაწინაურდა.

მე-13 წუთზე აიდენ ჰევენის ავტოგოლით ბარნლი წინ გავიდა და პირველი ტაიმი 1-0 მოიგო კიდეც. 50-ე წუთზე ანგარიში ბენჟამინ შეშკომ გაათანაბრა, რომელმაც 10 წუთში მეორე გოლიც გაიტანა და დუბლი შეასრულა.

თუმცა იუნაიტედმა უპირატესობის შენარჩუნება ვერ მოახერხა და 66-ე წუთზე ჯეიდონ ენტონის გოლით წონასწორობა აღდგა (2-2).

საბოლოოდ მანჩესტერმა პრემიერ ლიგაში ზედიზედ მე-3 ფრე ითამაშა და 32 ქულით ცხრილში მე-7 ადგილს იკავებს, ბარნლი კი 13 ქულით მე-19 პოზიციაზეა და გასავარდნ ზონაში იმყოფება.

50' შეშკო 1-1

60' შეშკო 1-2