VIDEO: ვინისიუსმა ბრაზილიას კოლუმბიასთან ბოლო წუთზე მოაგებინა

სამხრეთ ამერიკაში მსოფლიო ჩემპიონატის საკვალიფიკაციო ეტაპი გრძელდება. მე-13 ტურში ბრაზილიის ნაკრებმა ესტადიო მანე გარინჩაზე კოლუმბია მიიღო.

შეხვედრაში ანგარიში მე-6 წუთზე რაფინიამ გახსნა პენალტის საშუალებით, 41-ე წუთზე ხამეს როდრიგესის პასის შემდეგ ლუის დიასმა გაათანაბრა ანგარიში.

გუნდები ახლოს იყვნენ ქულების გაყოფასთან, თუმცა მატჩის კომპენსირებულ დროში, მე-9 დამატებულ წუთზე ვინისიუს ჟუნიორმა შორეული გასროლით აიღო კოლუმბიელთა კარი და სელესაოს 3 ქულა მოუტანა.

ბრაზილიის ნაკრები 21 ქულით მე-2 ადგილზეა, კოლუმბია კი 19 ქულით მე-6 პოზიციას იკავებს, რაც მსოფლიო ჩემპიონატზე გამსვლელი ადგილია.