რონალდო: „გვინდა, რომ ვინისიუსი ნაკრებშიც ისეთი იყოს, როგორიც რეალშია"

რონალდომ ბრაზილიის ნაკრებში ვინისიუსისა და რაფინიას როლის შესახებ ისაუბრა.

„კარგი გუნდი გვყავს, გვყავს კარგი ფეხბურთელები, რომლებსაც საკუთარ კლუბებში სარგებელი მოაქვთ, თუმცა ეროვნულ ნაკრებშიც კარგად უნდა ადაპტირდნენ, რომ ისეთივე შედეგები აჩვენონ, როგორც კლუბებში, ასე არ არის?

ჩვენ ვხედავთ ვინისიუსის მნიშვნელობას რეალისთვის. ჩვენ მისგან იგივეს ვითხოვთ ნაკრებშიც და ისიც ძალიან ცდილობს. ხანდახან არ გამოდის. ამიტომ გარკვეული მოთმინებაა საჭირო.

უნდა გესმოდეს, როდის ღირს მეტოქეზე შეტევა, როდის უნდა დაიხიო უკან, გადააწოდო პასი, კვლავ შექმნა სივრცე და დაინახო შეტევის შესაძლებლობა. შეტევისთვის სწორი მომენტის შერჩევა უნდა იცოდე.

მაგრამ ლოგიკურია, რომ ეს ორი მთავარი მოთამაშეა, ხომ მართალია? და გულშემატკივრებიც მოითხოვენ შედეგებს“, – განაცხადა რონალდომ.