ატლეტიკოს ფანი ვინისიუსის შეურაცხყოფისთვის დააკავეს

ატლეტიკოს ფანი ვინისიუსის მიმართ რასისტული შეურაცხყოფისთვის დააკავეს.

27 წლის მამაკაცი, რომელიც ატლეტიკოს მხარდამჭერია, პოლიციამ რეალის ვინგერის, ვინისიუსის მიმართ რასისტული შეურაცხყოფის გამო დააკავა.

ინციდენტი 14 აპრილს, ჩემპიონთა ლიგის 1/4 ფინალის საპასუხო მატჩის წინ მოხდა, რომელშიც ერთმანეთს ატლეტიკო და ბარსელონა (1:2) უპირისპირდებოდნენ.

ატლეტიკოს მაისურში გამოწყობილი მამაკაცი რეალის ფეხბურთელის მისამართით ისეთ შეურაცხმყოფელ სიტყვებს ყვიროდა, როგორიცაა „შიმპანზე“ და „მაიმუნი“.

ეს მომენტი ვიდეოკამერებმა დააფიქსირა, რის შემდეგაც პოლიციამ გამოძიება დაიწყო. დაკავებულს სიძულვილის გაღვივებაში ედება ბრალი.