მადრიდის რეალში ჟოზე მოურინიოს სენსაციურ დაბრუნებას გუნდში დიდი საკადრო ცვლილებები მოჰყვება.
პორტუგალიელი სპეციალისტის მოსვლამ რამდენიმე ახალგაზრდა მოთამაშის მომავალი კითხვის ნიშნის ქვეშ დააყენა, კლუბი კი სერიოზული თანხის გამომუშავებას გეგმავს.
ამ დროისთვის არსებული ინფორმაციით, გონსალო გარსიას, ფრან გარსიასა და რაულ ასენსიოს გუნდიდან წასვლის საკითხი აქტიურად განიხილება. მოურინიოს გეგმებში აღნიშნული ფეხბურთელები, არ შედიან და მათი გაყიდვით რეალი ამ ზაფხულს 100 მილიონი ევროს მიღებას აპირებს.
გარდა ამისა, სატრანსფერო სიის სათავეში აღმოჩნდა ალვარო კარერასიც. მარკ კუკურელიას ტრანსფერმა კარერასი რთულ სიტუაციაში ჩააყენა, რადგან ძირითად შემადგენლობაში მისი ადგილი ფაქტობრივად აღარ არსებობს.
კლუბში მიიჩნევენ, რომ ის ისეთი ფიგურაა, რომლის სანაცვლოდაც სოლიდური სატრანსფერო თანხის მიღებაა შესაძლებელი, რაც განგაშის სიგნალია ფეხბურთელისთვის, თუმცა ფინანსურად მომგებიანია მადრიდელებისთვის.
