VIDEO: ზედიზედ მე-3 ფრე ლა ლიგაში - რეალმა ლიდერობა დაკარგა
30 ნოე, 2025 · 0 წთ წასაკითხად
-
Aa
+
ფონტის ზომა
ესპანეთის ლა ლიგის მე-14 ტურში ჟირონამ მადრიდის რეალს უმასპინძლა.
შეხვედრაში ანგარიშის გახსნა მე-40 წუთზე სტუმრებს შეეძლოთ, თუმცა კილიან მბაპეს ხელით თამაშის გამო მისი გატანილი გოლი არ ჩაითვალა. პირველი ტაიმის ბოლოს, 45-ე წუთზე კი ანგარიში მაინც გაიხსნა, ოღონდ ეს მასპინძლებმა მოახერხეს. ჟირონა წინ აზედინ უნაჰიმ გაიყვანა.
67-ე წუთზე კატალონიელთა კარში პენალტი დაინიშნა, რომელიც კილიან მბაპემ შეასრულა ზუსტად და თავისი გოლი მაინც გაიტანა. ფრანგმა ლა ლიგის მიმდინარე სეზონში მე-14 გოლი გაიტანა და ბომბარდირთა დავას დიდი უპირატესობით ლიდერობს.
თამაშის ბოლომდე რეალმა კიდევ ერთი გოლის გატანა და გამარჯვების მოპოვება ვერ მოახერხა, შეხვედრა 1-1 დასრულდა.
ჩაბი ალონსოს გუნდმა ლა ლიგაში ზედიზედ მე-3 ფრე ითამაშა და 33 ქულით მეორე ადგილზე გადაინაცვლა, ლიდერ ბარსელონას 34 ქულა აქვს.
