0:2-დან 4:2! ბარსელონას ბრწყინვალე ქამბექი მეტროპოლიტანოზე

ლა ლიგის 28-ე ტურში ბარსელონამ ატლეტიკო მადრიდი სტუმრად დაამარცხა.

შეხვედრა სტადიონ მეტროპოლიტანოზე გაიმართა და ბარსას გამარჯვებით 4:2 დასრულდა.

ალვარესის და სორლოტის გოლებით ატლეტიკო 70-ე წუთისთვის 2:0-ს იგებდა, თუმცა ამის შემდეგ ბარსელონამ გამოიღვიძა და დარჩენილ 20 წუთში მეტოქეს 4 გოლი გაუტანა - დუბლით თავი ფერან ტორესმა გამოიჩინა, თითო გოლი კი ლევანდოვსკიმ და ლამინ იამალმა შეაგდეს, ამ უკანასკნელმა ლა ლიგაში 6-თვიანი უგოლო პერიოდი გამარჯვების გოლით დაასრულა.

ბარსამ 60 ქულა დააგროვა და სატურნირო ცხრილის სათავეში დაბრუნდა - რეალს იმდენივე ქულა აქვს, თუმცა ანჩელოტის გუნდმა ერთი მატჩით მეტი ჩაატარა.

ატლეტიკოს ანგარიშზე კი 56 ქულა დარჩა და გუნდი ლიდერებს უკვე 4 ქულით ჩამორჩება.