მსოფლიოს უდიდესი საფეხბურთო სიმულატორის გამოსვლამდე სულ ცოტა დრო რჩება - "ფიფას" მოყვარულები EA FC 27-ის შეძენას 25 სექტემბრიდან შეძლებენ - დღევანდელ ბლოგში თამაშში ქართველი ფეხბურთელების საუკეთესო ათეულს შემოგთავაზებთ.
ახალ სიმულატორში სულ 32 ქართველი მოთამაშეა - საუკეთესო ათეული კი ასე გამოიყურება:
10. ლუკა ლოჩოშვილი/ანზორ მექვაბიშვილი/საბა ლობჟანიძე -მეათე ადგილს ჯამური 71 რეიტინგით სამი ფეხბურთელი იყოფს - კიოლნის ცენტრალური მცველი ლუკა ლოჩოშვილი, რეალ სოლთ ლეიქის შემტევი საბა ლობჟანიძე და MLS-ში ახლად გადაბარგებული ანზორ მექვაბიშვილი.
9. გიორგი ჩაკვეტაძე - უდინეზეს შემტევის ჯამური რეიტინგი 72-ია.
8. ბუდუ ზივზივაძე - ასევე 72-იანი ქარდი აქვს ჰაიდენჰაიმის ფორვარდს.
7. ვაკო ყაზაიშვილი - ჩინეთის სუპერლიგის ერთ-ერთ საუკეთესო ფეხბურთელის ჯამური რეიტინგი 73-ია.
6. გიორგი ქოჩორაშვილი - სევილიას ახალწვეულის ჯამური რეიტინგი 74-ია
5. ზურიკო დავითაშვილი - გასული სეზონის ლიგა 2-ის საუკეთესო ფეხბურთელის ქარდიც ვერცხლისაა - 74.
4. ოთარ კიტეიშვილი - ოთხეულს პირველი ოქროს ქარდი ხსნის - ავსტრიის ბუნდესლიგის საუკეთესო ფეხბურთელის ჯამური რეიტინგი 75-ია.
3. გიორგი მიქაუტაძე - არ ვიცით, უყვარს თუ არა ბომბარდირს მისი 79-იანი ქარდი, რადგან ის ნამდვილად მეტს იმსახურებს.
2. გიორგი მამარდაშვილი - ლივერპულისა და საქართველოს კარის დარაჯს 83 ჯამურ რეიტინგიანი ქარდი აქვს.
1. ხვიჩა კვარაცხელია - რა თქმა უნდა, ხვიჩა პირველია. 89-ჯამური რეიტინგი სიმულატორში ერთ-ერთი უდიდესი ციფრია - თამაშის საუკეთესო ფეხბურთელის, კილიან მბაპეს რეიტინგი 91-ია.
ქართველ ოქროს ბურთის პრეტენდენტზე უკეთესი შეფასება თამაშში 14 ფეხბურთელს აქვს: ბელინგემს, ვიტინიას, პედრის, კურტუას, ოლისეს, როდრის, კეინს, დემბელეს, ლამინ იამალს (ყველას 90) ჰოლანდს და მბაპეს (ორივეს 91)
