ცნობილი სპორტული გამოცემა Sports Illustrated ხვიჩა კვარაცხელიას მძიმე ტრავმას გამოეხმაურა.
,,ფეხბურთს ხვიჩას მაგია მოაკლდება.
ბოლო 2 სეზონის განმავლობაში ხვიჩა კვარაცხელია ჩემპიონთა ლიგის ერთ-ერთ ყველაზე სახიფათო ფეხბურთელად ჩამოყალიბდა.
ის ისეთი მოთამაშეა, რომლის ბურთთან შეხებისასაც ეკრანს უფრო უახლოვდები, რომელიც მეტოქის მცველებს მუდმივად გაურკვევლობაში ამყოფებს და შეუძლებელს შესაძლებლად აქცევს.
პსჟ-ის მიერ ევროპის დაპყრობაში ხვიჩამ უმნიშვნელოვანესი როლი ითამაშა. ის პარიზულ კლუბს ჩემპიონთა ლიგის ზედიზედ 2-ჯერ მოგებაში დაეხმარა და ყველაზე დიდ საფეხბურთო სცენებზე უშიშარი დრიბლინგითა და დაუნდობელი საგოლე დარტყმებით ბრწყინავდა.
წინა ჯვარედინი იოგის ტრავმის გამო ფეხბურთს გარკვეული დროით მოუწევს ლოდინი, სანამ ხვიჩას ჯადოსნურ თამაშს კვლავ იხილავს. მისი არყოფნა არა მხოლოდ პსჟ-ს, არამედ ყველას დააკლდება, ვისაც ფეხბურთის ყურება უყვარს.
სწრაფად გამოჯანმრთელებას გისურვებთ, ხვიჩა! ფეხბურთს შენი მაგიის დაბრუნება სჭირდება." - წერს Sports Illustrated.
შეგახსენებთ, რომ ქართველმა სუპერვარსკვლავმა ბარსელონასთან მატჩში მუხლის ჯვარედინი მყესები გაიწყვიტა და ოპერაცია სჭირდება, რის გამოც მოედანს სეზონის ბოლომდე დაემშვიდობა.
,,კარგად ვიცი ეს გრძნობა, კვარა" - რა დაუწერა რონალდუმ კვარაცხელიას?
