ბაიერნის სამედიცინო შტაბმა გადაწყვეტილება მიიღო: ვინ იდგება კარში ატალანტასთან?
Sky Germany-ის ინფორმაციით, ოთხშაბათს, ჩემპიონთა ლიგის მერვედფინალის საპასუხო მატჩში ატალანტას წინააღმდეგ, ბაიერნ მიუნხენის კარს იონას ურბიგი დაიცავს.
22 წლის მეკარემ გასულ უქმეებზე ბაიერ ლევერკუზენთან ფრედ (1-1) დასრულებული შეხვედრა გამოტოვა. მიზეზი ის ტვინის შერყევა გახდა, რომელიც მან ატალანტასთან პირველ მატჩში, 6:1 მოგებულ დაპირისპირებაში მიიღო.
ორშაბათს ურბიგი საწვრთნელ პროცესს დაუბრუნდა, თუმცა მისი სასტარტოში ყოფნა ბოლო მომენტამდე კითხვის ნიშნის ქვეშ იდგა. გერმანული გრანდი სათადარიგო გეგმაზეც ფიქრობდა და ალტერნატივად 16 წლის ლეონარდ პრესკოტი განიხილებოდა.
საბოლოოდ, სამედიცინო გუნდმა ურბიგს თამაშის უფლება მისცა. მოსალოდნელია, რომ ის შეხვედრას პირველივე წუთებიდან დაიწყებს, პრესკოტი კი ადგილს სათადარიგოთა სკამზე დაიკავებს.
ბაიერნ მიუნხენის დანარჩენი სამი გამოცდილი მეკარე: მანუელ ნოიერი, სვენ ულრაიხი და ლეონ კლანაცი ვლავ ლაზარეთში რჩებიან და გუნდს ვერ ეხმარებიან.
