კურტუამ სიტისთან მთელი პირველი ტაიმი ტრავმით ითამაშა

ჩემპიონთა ლიგის 1/8 ფინალის საპასუხო შეხვედრაში მადრიდის რეალმა სტუმრად 2:1 გაიმარჯვა (ჯამში 5:1), თუმცა გამარჯვებას თან დანაკლისიც მოჰყვა.

ტიბო კურტუა შესვენებისას შეცვალეს და მეორე ტაიმში მოედანზე ანდრეი ლუნინი გამოვიდა.

COPE-ს ინფორმაციით, ბელგიელმა მეკარემ დაზიანება ჯერ კიდევ მატჩისწინა მოთელვაზე მიიღო, როცა მარჯვენა ბარძაყის კუნთში დისკომფორტი იგრძნო. 

მიუხედავად ამისა, კურტუამ მთელი პირველი ტაიმი ბოლომდე ჩაამთავრა და მხოლოდ შესვენებაზე იგრძნო, რომ თამაშს ვეღარ გააგრძელებდა.

ამ ეტაპზე უცნობია, შეძლებს თუ არა კურტუა 22 მარტს გასამართ მადრიდულ დერბიში მონაწილეობის მიღებას.