სლოვაკეთში მიმდინარე 21-წლამდე ევროპის ჩემპიონატზე ფინალური წყვილი გაირკვა.
გადამწყვეტ მატჩში ერთმანეთს მოქმედი ევროპის ჩემპიონი ინგლისის ნაკრები გერმანიის ასაკობრივ გუნდს დაუპირისპირდება.
ინგლისმა ნახევარფინალში ნიდერლანდებს მოუგო 2:1, გერმანიამ კი საფრანგეთი გაანადგურა 3:0.
ფინალური შეხვედრა 28 ივნისს გაიმართება და ინგლისი ზედიზედ მეორედ, ისტორიაში კი მეოთხედ შეეცდება ტიტულის მოგებას - გუნდმა ორი წლის წინ, ბათუმში, აჭარაბეთ არენაზე გამართულ დაპირისპირებაში ესპანეთს 1:0 მოუგო და თასი აღმართა.
წლევანდელ 21-წლამდე ევროპის ჩემპიონატზე მონაწილეობას საქართველოს ნაკრებიც იღებდა და ჯგუფში 3 ქულით მე-3 ადგილი დაიკავა, რაც პლეიოფში გასასვლელად საკმარისი არ აღმოჩნდა.
