ალექს პერეირა, რომელიც UFC Freedom 250-ზე სირილ განესთან მძიმე წონის დროებითი ტიტულისთვის იბრძოლებს, თავის ყოფილ დივიზიონს, ნახევრად მძიმე წონას აკვირდება.
პერეირას მიაჩნია, რომ დივიზიონის სატიტულო სურათი გარკვეულია და მან თავისი ფავორიტიც დაასახელა.
მას შემდეგ, რაც კარლოს ულბერგმა ჯირი პროხაზკა დაამარცხა და ახალი ჩემპიონი გახდა, დივიზიონში მომდევნო პრეტენდენტის საკითხი ძალიან აქტუალურია. პერეირა მიიჩნევს, რომ პაულო კოსტა, რომელმაც ახლახან დაანოკაუტა მანამდე უძლეველი აზამატ მურზაკანოვი, ქამრისთვის ბრძოლის საუკეთესო კანდიდატია:
დივიზიონში ბევრი მებრძოლი მარცხის შემდეგ მოდის, რაც მათ სატიტულო შანსს ართულებს. პაულო კოსტა კი პოპულარულია, გულშემატკივრებს უყვართ და ძალიან კარგი ბოლო ბრძოლა ჰქონდა.
ამჟამად ულბერგი ტრავმირებულია, თუმცა თუ ის 2026 წლის ბოლომდე დაბრუნდება, კოსტასთან დაპირისპირება შეიძლება მისი პირველი სატიტულო დაცვა გახდეს.
