ორმაგი ტრიუმფი ვაშინგტონში: მაურისიო რუფის ნიშნობა ოქტაგონზე

ბრაზილიელმა მაურისიო რუფიმ თეთრ სახლში გამართულ ისტორიულ UFC 250-ზე იმაზე ბევრად მეტი მიიღო, ვიდრე უბრალოდ მოგებაა.

მან მსუბუქი წონის ლეგენდარული ყოფილი ჩემპიონი, მაიკლ ჩენდლერი, პირველივე რაუნდში ეფექტური ნოკაუტით გათიშა და წონის ერთ-ერთ მთავარ პრეტენდენტად იქცა. თუმცა, ნამდვილი ფურორი ბრძოლის შემდეგ, ჯო როგანთან ინტერვიუს დროს მოახდინა.

„ფული არ გვქონდა“ - ოცნების ასრულება პირდაპირ ეთერში

ჩენდლერის წინააღმდეგ შესრულებული უმძიმესი ჰაიკიკისა და დარტყმების სერიის შემდეგ, რუფიმ ხელში მიკროფონი აიღო. ბიბლიური მუხლის წაკითხვის შემდეგ, მან ყველასთვის მოულოდნელი კითხვა დასვა.

თარჯიმნის დახმარებით ბრაზილიელმა ოქტაგონიდან პირდაპირ შეყვარებულს, ნადინს მიმართა:

როდესაც ჩემი მომავალი ცოლი, ნადინი გავიცანი, ხელის თხოვნა ძალიან მინდოდა, მაგრამ მაშინ ამის ფული და პირობები არ გვქონდა. ახლა კი, თეთრ სახლში ვართ და ამაზე უკეთეს ადგილს სად ვიპოვი? ნადინ, მიყვარხარ. გამომყვები ცოლად?

გოგონამ მებრძოლს თანხმობის ნიშნად ცერი აუწია. ჯო როგანმა იხუმრა კიდეც, რომ ნადინის ამ ჟესტმა სპორტსმენი უხერხულობისგან იხსნა იმ მომენტში, რომელიც თავად ჩხუბზე ბევრად მეტ გამბედაობას მოითხოვდა. წყვილი ქორწინებას უახლოეს მომავალში გეგმავს.