ალექსანდრე თოფურიამ აღნიშნა, რომ პიოტრ იანთან სურს ბრძოლა.
როგორც იცით, UFC-ში ალექსანდრე სუპერ-მსუბუქ წონაში ასპარეზობს — სადაც ბოლო წელიწადნახევრის განმავლობაში ჩემპიონი მერაბ დვალიშვილი იყო და ქამარი რამდენიმე კვირის წინ, პიოტრ იანთან ბრძოლაში დათმო.
„ერთადერთი მებრძოლი, რომლითაც დაინტერესებული ვარ — პიოტრ იანია. არ ვამბობ, რომ ქამარს ვიმსახურებ, მაგრამ ეს არის ის, რაც მინდა.
მჭირდება ადამიანი, რომელსაც ქამარი აქვს. ცხადია მერაბის გარდა. ეჭვიც არ მეპარება, რომ მერაბი დაბრუნდება და საჩემპიონო ქამარს დაიბრუნებს, მაგრამ სანამ ჩემპიონი იანია, მასთან ბრძოლა მაინტერესებს." — აღნიშნა ალექსანდრემ.
ალექსანდრეს UFC-ში ორი ბრძოლა აქვს გამართული და ორივეში გამარჯვება მოიპოვა — პირველში მან ავსტრალიელი კოლბი თიქნესი დაამარცხა, მეორეში კი ყაზახი ბეკზატ ალმახანი.
