ალვარესისა და მესის დიალოგები ბარსელონაზე

ხულიან ალვარესი კარიერული წინსვლისთვის ბარსელონაში გადასვლას გეგმავს და ამ საკითხზე რჩევებს ლიონელ მესისგან იღებს.

როგორც ჟურნალისტი ერნან კასტილიო იუწყება, არგენტინელი თავდამსხმელი აქტიურად მუშაობს ატლეტიკოდან წამოსვლაზე, რადგან მისი ერთადერთი სურვილი კატალონიურ ქალაქში ცხოვრება და ბარსელონას ახალი შეტევითი ეპოქის ლიდერობაა.

მესისთან მუდმივი დიალოგები ალვარესს კიდევ უფრო არწმუნებს, რომ კატალონიურ კლუბში გადასვლა არა მხოლოდ კარიერული ნაბიჯი, არამედ მისი პირადი ოცნებაა.

მიუხედავად პსჟ-სა და არსენალის ინტერესისა, ალვარესმა სხვა ვარიანტები უარყო და ნათლად დააფიქსირა, რომ ბარსელონას პრიორიტეტულად განიხილავს. თავის მხრივ, ბარსელონას ხელმძღვანელობა მშვიდად ელოდება მსოფლიო ჩემპიონატის დასრულებას, რათა ატლეტიკოსთან მოლაპარაკებები განაახლოს და დაახლოებით 130 მილიონი ევროს ღირებულების წინადადება წარუდგინოს.

მადრიდული კლუბი, რომელიც უკმაყოფილოა შექმნილი სიტუაციით, ოფიციალურად 500 მილიონიან გამოსასყიდ პუნქტზე მიუთითებს, თუმცა ფეხბურთელის მტკიცე პოზიციამ შესაძლოა ატლეტიკო მოლაპარაკებების მაგიდასთან დასხდომისკენ აიძულოს.