UFC-ის პრეზიდენტის, დანა უაითის თქმით, არმან ცარუკიანს სატიტულო ბრძოლის კიდევ ერთხელ მისაღებად ბევრი შრომა მოუწევს.
ამა წლის იანვარში ცარუკიანს სატიტულო ბრძოლაში მახაჩევთან უნდა ებრძოლა, თუმცა ბრძოლას 2 დღით ადრე წელის ტრავმის გამო ჩაეხსნა. მას შემდეგ სომეხმა უარი თქვა გამროტთან ჩხუბზე, რამდენიმე კვირის წინ კი ტრავმის შემდეგ პირველ ბრძოლაში დენ ჰუკერი დაამარცხა.
მსუბუქი წონის დივიზიონის დროებითი ტიტულისთვის არა ცარუკიანი, არამედ პიმბლეტი და გეიჯი იბრძოლებენ და უაითს ჰკითხეს, რატომ არ მიიღო შანსი არმანმა.
„ვერ ვიტყოდი, რომ ცარუკიანი აქ ზედმეტია. მას ჰქონდა თავისი შანსი და თქვენც იცით, როგორ დამთავრდა ყველაფერი. ახლა ყველაფრის აღმოფხვრა მოუწევს. ფეხებზე მკიდია, რას ამბობს ციფრები.
როცა შენზე ზედმეტად ბევრია დამოკიდებული, ასე არ უნდა იქცეოდე. არ შეიძლება მიიღო შანსი და შემდეგ... ამიტომაც, მას ყველაფრის აღმოფხვრა და ბრძოლა მოუწევს."
