„ვიცი, რომ თოფურიას დანოკაუტება შემიძლია", — გეიჯი

UFC-ის მსუბუქი წონის დროებითმა ჩემპიონმა, ჯასტინ გეიჯიმ, ილია თოფურიასთან შესაძლო ბრძოლაზე ისაუბრა.

„ვიცი, რომ შემიძლია ილია თოფურია თეთრი სახლის გაზონზე დავანოკაუტო. ეს გიჟური სპორტია და კარგად მესმის, რა ძალასა და უნარებს ვფლობ. რა თქმა უნდა, მასაც შეუძლია ჩემი გათიშვა, მაგრამ მზად ვარ გავრისკო.

სწორედ მასთან ჩხუბი მინდა. ის ჩემპიონია. მან დააფინიშა ვოლკანოვსკი და ჰოლოუეი. თუ მეც იმავეს გაკეთებას შევძლებ მასთან, ეს იდეალური სცენარი იქნება. მაშინ მართლა დავიჯერებდი, რომ ცხოვრება სიმულაციაა.

თუ თოფურიას დავაკაუტებ, დარწმუნებული ვარ, ასპარეზობას გავაგრძელებ. მაგრამ თუ ის გამთიშავს ან „ველოსიპედს ჩართავს“ (გაქცევას დაიწყებს), ესე იგი ჩემი კარიერა დასრულებულია“, — განაცხადა გეიჯიმ.

მანამდე ესპანელმა ჟურნალისტმა ალვარო კოლმენერომ გაავრცელა ინფორმაცია, რომ თოფურიასა და გეიჯის ბრძოლა 14 ივნისს, თეთრ სახლში გამართულ UFC-ის ტურნირზე შედგება.