მაიამიში UFC 327 გაიმართა.
ღონისძიების მთავარ ბრძოლაში ქვემძიმე წონის ვაკანტური ტიტულისთვის დაპირისპირება შედგა, სადაც ერთმანეთს ირჟი პროჰასკა და კარლოს ულბერგი დაუპირისპირდნენ.
პირველივე რაუნდში ულბერგმა ფეხზე დაზიანება მიიღო, რის შემდეგაც პროჰასკა შეტევაზე აღარ წავიდა, ამით კი კარლოსმა ისარგებლა და მეტოქე ნოკაუტში გაუშვა.
შედეგად ბრძოლა პირველ რაუნდში დასრულდა და ქვემძიმე წონას კარლოს ულბერგის სახით ახალი ჩემპიონი ჰყავს. ბრძოლის შემდეგ პროჰასკამ თქვა, რომ მან დიდი შეცდომა დაუშვა, როცა მეტოქე დაინდო და ეს შეცდომა ტიტულის დაკარგვად დაუჯდა.
ღონისძიების თანამთავარ ბრძოლაში, ასევე ქვემძიმე წონაში, პაულო კოსტამ აზამატ მურზაყანოვი მე-3 რაუნდში დაამარცხა. ბრწყინვალე ბრძოლა შედგა კურტის ბლეიდსსა და ჯოშ ჰოკიტს შორის, რომელიც ამ უკანასკნელის გადაწყვეტილებით გამარჯვებით დასრულდა.
დომინიკ რეიესმა ასევე გადაწყვეტილებით სძლია ჯონი უოლკერს, კაბ სვენსონმა კი პირველივე რაუნდში დაუმთავრა ბრძოლა ნეიტ ლანდვერს.
