„არ მინდა, მამაჩემმა ინერვიულოს“ - ცარუკიანი

არმან ცარუკიანი ოქტაგონზე დასაბრუნებლად ემზადება.

19 სექტემბერს, ლოს-ანჯელესში გასამართ UFC 331-ზე, ის ბრაზილიელ მაურისიო რუფის დაუპირისპირდება. მსუბუქი წონის ერთ-ერთი მთავარი პრეტენდენტის მიზანი არა მხოლოდ შთამბეჭდავი გამარჯვებით სატიტულო შანსის მოპოვება, არამედ მატჩის ნაადრევად დასრულებაა.

გარდა სპორტული ამბიციებისა, ცარუკიანს ამისთვის ემოციური მიზეზიც აქვს, მას არ სურს, რომ მამამისმა ბრძოლის ყურებისას ბევრი ინერვიულოს.

25 წუთი არ მჭირდება. იქ იმისთვის მივდივარ, რომ საქმე მარტივად და სწრაფად მოვაგვარო. სახლში მამაჩემი მიყურებს და არ მინდა, ხანგრძლივი ბრძოლით ის ვანერვიულო. ამიტომ ვეცდები, ყველაფერი რაც შეიძლება მალე დავასრულო

შეგახსენებთ, რომ ცარუკიანს ოქტაგონზე საქმის სწრაფად მოგვარების კარგი გამოცდილება აქვს: მან ბოლოს დენ ჰუკერი მალევე დაიმორჩილა, მანამდე კი ბენეილ დარიუში სულ რაღაც 64 წამში დაანოკაუტა.

მისი მომავალი მეტოქე, მაურისიო რუფიც საშიშ ფორმაშია.ბრაზილიელმა ბოლო ორ ბრძოლაში ისეთი მეტოქეები დაანოკაუტა, როგორებიც რაფაელ ფიზიევი და მაიკლ ჩენდლერი არიან.