მსუბუქი წონის ყოფილი ჩემპიონი, 41 წლის რაფაელ დოს ანჟოსი ოქტაგონზე ბრუნდება.
2-წლიანი პაუზისა და მუხლის 3 მძიმე ოპერაციის შემდეგ, ის 3 ოქტომბერს, სოლტ-ლეიკ-სიტიში გასამართ UFC 332-ზე ალექსანდერ ერნანდესს დაუპირისპირდება.
მიუხედავად იმისა, რომ ტრავმებისა და ზედიზედ სამი მარცხის გამო გულშემატკივრები მას კარიერის დასრულებისკენ მოუწოდებდნენ, ბრაზილიელმა ვეტერანმა პენსიაზე გასვლა კატეგორიულად იუარა. მეტიც, მან წონის დაკლება და მსუბუქ დივიზიონში დაბრუნება გადაწყვიტა, სადაც 2016 წელს ჩემპიონი იყო.
რაც შეეხება მის მომავალ მეტოქეს, ალექსანდერ ერნანდესი ბოლო ბრძოლაში რაფა გარსიასთან დამარცხდა, რითაც მისი ოთხმატჩიანი მოგებათა სერია შეწყდა.
