Geo Team-ის ექსკლუზიური ინფორმაციით, გიორგი არაბიძემ სამხრეთ კორეის ჩემპიონ ულსან ჰიუნდაისთან პირადი კონტრაქტის დეტალებზე შეთანხმებას მიაღწია.
წყაროს ცნობით, შეთანხმდნენ კლუბებიც. სამხრეთ კორეელები გიორგი არაბიძის სანაცვლოდ სატრანსფერო თანხას გადაიხდიან.
26 წლის ნახევარმცველმა სუპერთასზე დინამო თბილისის წინააღმდეგ ტორპედოს მაისურით ბოლოჯერ ითამაშა. წყაროს თქმით, ტირანასთან მატჩის დაწყებამდე კლუბი სტადიონზე გიორგი არაბიძეს დაემშვიდობება.
ამ მომენტში დარჩენილია ფეხბურთელის სავიზო დეტალები, შემდეგ სამედიცინო შემოწმება და კონტრაქტის გაფორმება. გასულ სეზონში ულსან ჰიუნდაიში თამაშობდა ვაკო ყაზაიშვილიც. გუნდში, რომელიც ზედიზედ მე-3 წელია სამხრეთ კორეის ჩემპიონი ხდება.
