არგენტინის ნაკრებს ლისანდრო ვერ დაეხმარება

ნოემბრის მატჩებში არგენტინის ნაკრებს ლისანდრო მარტინესი ვერ დაეხმარება.

არგენტინელი ფეხბურთელი ბოლომდე მწყობრში არ არის, ამიტომ კლუბში დარჩება და ფორმაში მოსვლაზე იზრუნებს.

ჟურნალისტის, გასტონ ედულის ინფორმაციით, უახლოეს დღეებში ფეხბურთელს მანჩესტერში სრული გამოკვლევა ჩაუტარდება, რათა დისკომფორტის მიზეზი დადგინდეს.

15 ნოემბერს არგენტინა სტუმრად პარაგვაის დაუპირისპირდება, 20-ში კი პერუს უმასპინძლებს.