მიკელ არტეტა ლონდონის არსენალთან კონტრაქტის გახანგრძლივებასთან ახლოსაა.
BBC-ის ინფორმაციით, ბოლო პერიოდში მხარეებმა მოლაპარაკებებში პროგრესს მიაღწიეს და დარწმუნებულნი არიან, რომ ლონდონურ კლუბსა და მწვრთნელს შორის ახალი შეთანხმება გაფორმდება.
მოსალოდნელია, რომ არტეტა მსოფლიოში ერთ-ერთი ყველაზე მაღალანაზღაურებადი მწვრთნელი გახდება.
მეთოფეები მისი კონტრაქტის პირობების მნიშვნელოვნად გაუმჯობესებას გეგმავენ - ახლა ესპანელი წელიწადში დაახლოებით 10 მილიონ ფუნტს გამომუშავებს და დამატებით 5 მილიონს იღებს ბონუსის სახით გუნდის ჩემპიონთა ლიგაზე გასვლისთვის.
არტეტა არსენალს 2019 წლიდან უდგას სათავეში. გასულ სეზონში მან კლუბი ჩემპიონობამდე მიიყვანა.
