საქართველოს ახალგაზრდული ნაკრების მთავარმა მწვრთნელმა, რამაზ სვანაძემ, გამოცემა football.london-თან ექსკლუზიურ ინტერვიუში ლონდონის არსენალის ახალწვეულ ანდრია ბართიშვილსა და ქართული ფეხბურთის წარმატების მიზეზებზე ისაუბრა.
როგორც სვანაძემ აღნიშნა, ბართიშვილს შესანიშნავი ინდივიდუალური უნარები და გამორჩეული ფსიქო-ემოციური პროფილი აქვს, რაც მას მაღალ დონეზე თამაშში დაეხმარება.
საქართველოს 21-წლამდელთა ნაკრების დამრიგებელმა აღნიშნა:
მას ნამდვილად შეუძლია თამაშის მიმდინარეობის შეცვლა. აქვს ბურთის ფლობის ინდივიდუალური უნარები, რაც თანამედროვე ფეხბურთში სულ უფრო იშვიათია. ის იბრძვის ბურთისთვის, ცდილობს მეტოქის მოტყუებას, დრიბლინგისთვის კი იყენებს თავის ტექნიკურ უნარებს - ისევე, როგორ კვარაცხელია.
ინტერვიუში ყურადღება გამახვილდა ინფრასტრუქტურის განვითარებაზე, ახალგაზრდების რაოდენობის ზრდასა და ისეთ საკვანძო ტურნირებზე, როგორიც საქართველოში გამართული ევროპის 21-წლამდელთა ჩემპიონატი (ევრო 2023) იყო. სვანაძის შეფასებით, ამ ყველაფერმა ახალ თაობას ახალი კუმირები და სტიმული მისცა, რათა საერთაშორისო არენაზე თავის წარმოჩენის არ შეშინებოდათ.
რაც შეეხება ანდრია ბართიშვილს, ის არსენალს 2027 წლის 30 მარტს შეუერთდება, მანამდე კი სეზონს იჯარით იბერია 1999-ში ატარებს და ევროტურნირებზეც მიიღებს მონაწილეობას.
