ლუის ენრიკე დარწმუნებულია, რომ ხვიჩა კვარაცხელია ტრავმის შემდეგ უფრო ძლიერი დაბრუნდება.
პარი სენ-ჟერმენის მთავარმა მწვრთნელმა ქართველის ტრავმის შესახებ ისაუბრა:
„ეს პროფესიონალი ფეხბურთელობის თანმდევი რისკია. ცხოვრებაში დადებითიც უნდა მიიღო და უარყოფითიც. ასეთია ცხოვრება.
მან ეს სირთულე უნდა გადალახოს და აჩვენოს, როგორი ფეხბურთელია სინამდვილეში. ოპერაციის შემდეგ ვნახავთ, როგორ განვითარდება მოვლენები. ის უფრო ძლიერი დაბრუნდება, ამაში ეჭვი არ მეპარება.
ლუის ენრიკე კვარაცხელიას ტრავმის შემდეგ შემადგენლობაში მოსალოდნელი როტაციის შესახებ კომენტარი გააკეთა:
„ყველაფერი ჩვეულებრივად გაგრძელდება. არ მსურს იმის შეცვლა, რასაც აქამდე ვაკეთებდი, თუმცა, ამავდროულად, ყველაფრის შეცვლაც მინდა.
სწორედ ასე უნდა მოიქცე, თუ გსურს, რომ მეტოქისთვის არაპროგნოზირებადი დარჩე.
ყველაფერი დამოკიდებულია გუნდსა და სეზონის კონკრეტულ მონაკვეთზე. ცხადია, ერთ მატჩში სამი ფეხბურთელის დაკარგვა უჩვეულო შემთხვევაა.
თუმცა ეს ჩვენთვის, როგორც გუნდისთვის, დამატებითი მოტივაციაა. წინსვლას ვაგრძელებთ, რათა უკეთესები გავხდეთ“.
ლუის ენრიკე იანვრის სატრანსფერო ფანჯარაზე და ხვიჩას ტრავმის გამო შესაძლო ტრანსფერებზეც ისაუბრა:
„არა, განსაკუთრებულად არა. არცერთი ტრავმა არ ნიშნავს იმას, რომ აუცილებლად ახალი ფეხბურთელები უნდა დავიმატოთ.
სეზონის დასაწყისშივე ვთქვი, რომ ნებისმიერ სიტუაციასთან გამკლავება შეგვეძლო, მათ შორის მაშინაც, თუ გუნდში სერიოზული ტრავმები იქნებოდა.
თუმცა შესაძლებლობებისთვის კარი ყოველთვის ღია გვაქვს. ახალი ფეხბურთელების დამატება ერთ-ერთი ვარიანტია, რომელსაც არ გამოვრიცხავთ“.
შეგახსენებთ, რომ ხვიჩა კვარაცხელიამ მუხლის ჯვარედინი იოგები გაიწყვიტა და უახლოეს დღეებში ოპერაციას გაიკეთებს, მისთვის კი სეზონი დასრულებულია.
