მაურისიო პოჩეტინომ სენსაციური განცხადება გააკეთა.
მან აღნიშნა, რომ ჩელსის 2016/17 წლების სეზონის პრემიერ ლიგის ტიტული უნდა ჩამოერთვას და მეორე ადგილზე გასულ ტოტენჰემს გადაეცეს.
აშშ-ის ნაკრების ამჟამინდელმა მთავარმა მწვრთნელმა ეს მოთხოვნა ლონდონური კლუბის მიერ ფინანსური წესების დარღვევისთვის დაკისრებულ მკაცრ სანქციებს დაუკავშირა. პოჩეტინოს თქმით, იმ სეზონში გუნდები თანაბარ პირობებში არ იბრძოდნენ, რადგან წესების დარღვევამ კონკურენტებს უსამართლო უპირატესობა მისცა.
მაშინ ტოტენჰემმა ანტონიო კონტეს ჩელსისთან შვიდი ქულით მეორე ადგილი დაიკავა, ხოლო არგენტინელი სპეციალისტის აზრით, წესების დარღვევის დამტკიცების შემდეგ ტიტული ავტომატურად იმ გუნდს უნდა გადაეცეს, რომელიც სატურნირო ცხრილში მეორე პოზიციას იკავებდა.
პოჩეტინომ განაცხადა:
ეჭვი არ მეპარება ჩემს ნათქვამში და სიმართლის თქმის არ მეშინია. ჩელსის ფანები გაბრაზდებიან ჩემზე, მაგრამ ტოტენჰემს რომ წესები დაგვერღვია, იგივეს დავეთანხმებოდი. ტიტულს არ დავიმსახურებთ, რადგან წესები დავარღვიეთ.
