TEAMtalk-ის ინფორმაციით, ჩელსი და ტოტენჰემი პრემიერ ლიგის იმ კლუბებს შორის ლიდერობენ, რომლებიც თბილისის დინამოს ამომავალი ვარსკვლავით, თორნიკე კვარაცხელიათი ინტერესდებიან.
16 წლის ფეხბურთელი პარი სენ-ჟერმენის სუპერვარსკვლავის, ხვიჩა კვარაცხელიას უმცროსი ძმაა.
თორნიკე კვარაცხელია მხოლოდ 16 წლისაა, თუმცა უკვე მნიშვნელოვან პროგრესს აჩვენებს დინამოს პირველ გუნდში და ევროპის რამდენიმე უდიდესი კლუბის ყურადღებაც მიიპყრო.
ხვიჩამ დინამო პირველ გუნდში დებიუტიდან მალევე დატოვა, რის შემდეგაც კარიერა რუსეთში გააგრძელა და საბოლოოდ ევროპული ფეხბურთის ელიტაში დაიმკვიდრა ადგილი.
თორნიკეც საოცრად მსგავს გზას მიჰყვება, მიუხედავად მცირე ასაკისა, ბოლო 6 თვის განმავლობაში ის დინამოს მთავარი გუნდის რეგულარული წევრი გახდა.
ჩემპიონთა ლიგის ორგზის გამარჯვებულ ხვიჩასა და მის უმცროს ძმას შორის შედარებები გარდაუვალია. TEAMtalk კი იუწყება, რომ 16 წლის თორნიკესთვის ბრძოლა სულ უფრო აქტიურდება და ახალგაზრდა ფეხბურთელი ცნობილი ძმის კვალის გაყოლას იმედისმომცემად აგრძელებს...
ბაიერნი თორნიკე კვარაცხელიასთვის ბრძოლაში ლიდერობს
თუმცა, თუ პრემიერ ლიგის ორ კლუბს ტრანსფერის განხორციელება სურს, სწრაფად მოქმედება მოუწევს. ბუნებრივია, ისინი პირველი დიდი კლუბები არ არიან, რომლებმაც მოზარდის მიმართ სერიოზული ინტერესი გამოავლინეს.
თორნიკეს პროგრესმა მისთვის ბრძოლა კიდევ უფრო გაამწვავა. მიუნხენის ბაიერნი ახალგაზრდა ფეხბურთელს უკვე ყურადღებით აკვირდება და ამ ეტაპზე მის ხელში ჩაგდების მთავარ ფავორიტადაც მიიჩნევა.
კვარაცხელიამ მიმდინარე ზაფხულის დასაწყისში გარკვეული პერიოდი გერმანულ გრანდთან ერთად ვარჯიშში გაატარა და ბაიერნი კვლავ დაინტერესებულია მისი ტრანსფერით.
თუმცა, წყაროს ინფორმაციით, პრემიერ ლიგის უდიდესი კლუბებიც ყურადღებით აკვირდებიან მის განვითარებას.
ინგლისური კლუბებიდან ყველაზე აქტიურები ჩელსი და ტოტენჰემი არიან, თუმცა შესაძლო ტრანსფერთან დაკავშირებით კონტაქტი ასევე ჰქონდათ მანჩესტერ სიტის, მანჩესტერ იუნაიტედს, ლივერპულს, ბრაიტონსა და ასტონ ვილას.
კვარაცხელიას სიტუაციის შესახებ სრულად ინფორმირებულები არიან არსენალი და ნიუკასლიც. საინტერესოა, რომ ორივე კლუბმა ბოლო პერიოდში ახალგაზრდა ქართველი ტალანტების გადაბირებაზე მუშაობა გააძლიერა.
არსენალმა საქართველოს ახალგაზრდული ნაკრების 17 წლის ფეხბურთელის, ანდრია ბართიშვილის ტრანსფერი უკვე შეათანხმა, ხოლო ნიუკასლმა ცოტა ხნის წინ თბილისის დინამოდან ვახტანგ სალია დაიმატა.
მიუხედავად ასეთი დიდი ინტერესისა, ნებისმიერ ინგლისურ კლუბს, რომელსაც თორნიკეს შეძენა სურს, მოთმინება მოუწევს.
არასრულწლოვან ფეხბურთელთა საერთაშორისო ტრანსფერებთან დაკავშირებული წესების თანახმად, მისი ინგლისში გადასვლა 2028 წლამდე, ანუ 18 წლის შესრულებამდე, ვერ მოხდება.
შესაბამისად, თორნიკე კვარაცხელიას მომავლისთვის ბრძოლა, სავარაუდოდ, მომდევნო 2 წლის განმავლობაში გაგრძელდება და დაუყოვნებლივი ტრანსფერით არ დასრულდება.
