VIDEO: ეროვნულ ლიგაში ლიდერი შეიცვალა - რა ვითარებაა?

ეროვნული ლიგის 30-ე ტურის მთავარი მატჩი დავით პეტრიაშვილის სახელობის სტადიონზე, რუსთავსა და დინამო თბილისს შორის, გაიმართა.

თემურ ქეცბაიას გაწვრთნილმა დინამოელებმა უშუალო კონკურენტს 2:0 მოუგეს და ცხრილში, დროებით მაინც, პირველ ადგილზე გადაინაცვლეს.

დედაქალაქელთა აქტივში 54 ქულაა, რაც დინამო ბათუმის მონაგარზე - 1-ით, ხოლო იბერია 1999-ისა და რუსთავისაზე 2-2 ქულით მეტია. ბათუმელებსა და იბერიელებს ამ ტურში ჯერ არ უთამაშიათ.

ქეცბაიას გუნდმა ნიკა ნინუას დუბლით გაიმარჯვა - სექტემბრიდან მოყოლებული ბრწყინვალე ფორმაშია და ბოლო 6 ტურში 8 საგოლე მოქმედება აქვს (5 გოლი, 3 ასისტი). 

7 გოლთან ერთად, 11 საგოლე პასით, ნინუა მიმდინარე ეროვნული ლიგის მე-2 საუკეთესო ასისტენტია (გიორგი არაბიძეს 13 ასისტი აქვს). 

31 ოქტომბერს დედაქალაქური დერბია, რომელშიც დინამო თბილისი იბერია 1999-ს უმასპინძლებს.