ბაიერნის თავდამსხმელი, ჰარი კეინი, პსჟ-სთან ჩემპიონთა ლიგის ნახევარფინალურ მატჩში (1:1, ორი მატჩის ჯამში 5:6) ჟოაუ პედრუ პინიეირუს მსაჯობით უკმაყოფილო დარჩა.
„იმედგაცრუებული ვარ. წელს გამარჯვებასთან ძალიან ახლოს ვიყავით. რა თქმა უნდა, ყველა ტიტულის მოგებაზე ვოცნებობდით და ამის მისაღწევად საკმარისად კარგი გუნდიც გვყავს. სწორედ ამიტომ არის ახლა ასეთი მტკივნეული.
ვფიქრობ, ვინც მატჩს უყურა, მსაჯობაზე ერთსა და იმავე დასკვნამდე მივა. როგორ შეიძლებოდა გასულ კვირას ხელით თამაშის დაფიქსირება, ამჯერად კი [ნევეშის შემთხვევაში] - არა? მენდეშსაც აშკარად უნდა მიეღო მეორე ყვითელი ბარათი.
არბიტრმა რატომღაც გადაიფიქრა. ასეა მოწყობილი: ორმატჩიან დაპირისპირებებში ცოტა იღბალიც გჭირდება. სწორედ ასეთ წვრილმანებს შეუძლია გადამწყვეტი როლის თამაში“, - განაცხადა კეინმა.
