პატრის ევრამ განაცხადა, რომ მის ყოფილ თანაგუნდელებს არ აქვთ საფუძველი კრიტიკისთვის, რადგან თავადაც წარუმატებლობა განიცადეს მწვრთნელების როლში.
„იმედი მაქვს, პოლ სქოულზის ინსტაგრამის სთორი ყალბია, იმედი მაქვს, მისი ანგარიში გატეხილია. სიმართლე გითხრათ, სქოულზისგან ეს არც მიკვირს.
ის ყველაზე ჩუმი მოთამაშე იყო, ვისთანაც ჩემს კარიერაში მითამაშია. ახლა კი, როცა მედიაშია, ასეთ ხმაურიან განცხადებებს აკეთებს.
ნეგატიური ანალიზი მოვისმინეთ სქოულზისგან, მაგრამ ასევე როი კინისა და გარი ნევილისგანაც. ეს მაღიზიანებს, რადგან ჩვენ გვინდა, რომ ოთხეულში ვიყოთ, და ასეთი კომენტარები საჭირო არ არის.
მაგრამ ასე ხდება, როცა ტელევიზიაში მუშაობ, პოზიტიური ვერ იქნები, ყოველთვის ნეგატიური უნდა იყო. ამ ბიჭების უმეტესობა იღებს მწვრთნელის სამსახურს და მალევე ათავისუფლებენ.
ნევილს ვუთხარი: ‘ტელევიზიაში ლაპარაკი ადვილია. როცა ვალენსიაში იყავი, მათ პაეია მოგთხოვეს, შენ კი ფიშ ენდ ჩიფსი მიეცი.’“ - განაცხადა ფრანგმა.
