ბაიერნის საპატიო პრეზიდენტმა საიდუმლო ვერ შეინახა

მიუნხენის ბაიერნი კონრად ლაიმერთან ხელშეკრულების გახანგრძლივებაზე შეთანხმებასთან ძალიან ახლოსაა.

კლუბის საპატიო პრეზიდენტმა, ული ჰიონესმა, ერთ-ერთ ღონისძიებაზე სიტყვით გამოსვლისას შემთხვევით წამოსცდა, რომ მხარეებს შორის სიტყვიერი შეთანხმება უკვე მიღწეულია.

„პრინციპში, ხელმოწერაღა აკლია“, - განაცხადა ჰიონესმა ლაიმერის კონტრაქტზე საუბრისას.

ავსტრიელი ნახევარმცველი მიუნხენის ბაიერნში 2023 წელს ლაიფციგიდან თავისუფალი აგენტის სტატუსით გადავიდა და გუნდისთვის უმნიშვნელოვანეს ფიგურად იქცა. მან გერმანულ გრანდში უკვე 136 მატჩი ჩაატარა. გასულ სეზონში ლაიმერმა 47 შეხვედრაში მიიღო მონაწილეობა, 3 გოლი გაიტანა და 13 საგოლე გადაცემა შეასრულა, რითაც ავსტრიის წლის საუკეთესო ფეხბურთელის ჯილდოც დაიმსახურა.

ამჟამად ფეხბურთელი სრულად მსოფლიო ჩემპიონატზეა კონცენტრირებული. იორდანიასთან მოგებისა (3:1) და არგენტინასთან მარცხის (0:2) შემდეგ, ავსტრიის ნაკრებს ჯგუფიდან გასასვლელად ალჟირთან გადამწყვეტ მატჩში მხოლოდ გამარჯვება სჭირდება. ტურნირის დასრულებისთანავე ლაიმერი მიუნხენში დაბრუნდება და კონტრაქტს ოფიციალურად გააფორმებს.