მადრიდის რეალი მაიკლ ოლისეს ტრანსფერთან დაკავშირებულ ჭორებს უარყოფს.
მადრიდის რეალმა ოფიციალური განცხადება გამოაქვეყნა, რომელშიც კატეგორიულად უარყოფს მედიაში გავრცელებულ ინფორმაციას მიუნხენის ბაიერნის ფრანგი შემტევის, მაიკლ ოლისესთან ტრანსფერზე მოლაპარაკებას.
სამეფო კლუბმა საჯაროდ დაუსვა წერტილი სპეკულაციებს და გერმანულ გრანდთან არსებულ სამაგალითო ურთიერთობას გაუსვა ხაზი.
კლუბის ოფიციალურ განცხადებაში ნათქვამია, რომ მადრიდულ მხარეს არანაირი პირდაპირი თუ ირიბი კონტაქტი არ ჰქონია არც თავად ფეხბურთელთან, არც მის წარმომადგენლებთან და არც მის გარემოცვასთან. რეალი ღრმა მწუხარებას გამოთქვამს იმ ჭორების გავრცელების გამო, რომლებიც აბსოლუტურად არ შეესაბამება რეალობას.
მადრიდის რეალი განსაკუთრებულ ყურადღებას ამახვილებს მიუნხენის ბაიერნთან არსებულ მრავალწლიან, ინსტიტუციურ კავშირებზე, რომელიც ურთიერთპატივისცემასა და კოლაბორაციას ეფუძნება. მადრიდელების განმარტებით, ორ გრანდს შორის არსებობს ურყევი შეთანხმება, რომ ნებისმიერი ინტერესი ამა თუ იმ ფეხბურთელის მიმართ, პირველ რიგში, უშუალოდ კლუბებს შორის, ოფიციალურ დონეზე უნდა განიხილებოდეს.
ამ ნაბიჯით რეალმა კიდევ ერთხელ დაადასტურა ისტორიული ერთგულება იმ სპორტული და ინსტიტუციური ლოიალობის პრინციპებისადმი, რაც მასსა და ბაიერნს შორის ყოველთვის არსებობდა.
