ბარნლიმ სკოტ პარკერის წასვლა დაადასტურა

სკოტ პარკერმა ბარნლის მთავარი მწვრთნელის თანამდებობა ურთიერთშეთანხმების საფუძველზე დატოვა.

,,მას შემდეგ, რაც გასულ კვირას ოფიციალურად დადასტურდა კლუბის პრემიერლიგიდან დაქვეითება, პარკერმა და კლუბის ხელმძღვანელობამ გამართეს მოლაპარაკებები და შეთანხმდნენ, რომ მისი დრო ტერფ მურზე დასრულდებოდა.

ტერფ მურზე მუშაობის პერიოდში პარკერმა გუნდი რეკორდულ სეზონამდე მიიყვანა 2024/25 წლების კამპანიაში, როდესაც ბარნლიმ ჩემპიონშიპიდან პრემიერლიგაში დაწინაურება მოიპოვა. გუნდმა 33-მატჩიანი წაუგებელი სერია დააფიქსირა და 30 მატჩში კარი მშრალად შეინახა.

კლუბი გულწრფელ მადლობას უხდის სკოტს მისი პროფესიონალიზმის, ერთგულებისა და შეტანილი წვლილისთვის. ის ტოვებს კლუბს ბარნლის საფეხბურთო კლუბთან დაკავშირებული ყველა ადამიანის პატივისცემითა და მადლიერებით.

მაიკ ჯექსონი, არსებული სამწვრთნელო შტაბის მხარდაჭერით, დროებით ჩაიბარებს გუნდს პრემიერ ლიგის დარჩენილი 4 მატჩისთვის, დაწყებული პარასკევის გასვლითი შეხვედრით ლიდს იუნაიტედის წინააღმდეგ.

ახალი მუდმივი მთავარი მწვრთნელის დანიშვნის პროცესი 2026/27 სეზონისთვის უკვე დაწყებულია." - წერია კლუბის განცხადებაში.