ბარსელონა გრინვუდის ყიდვას აპირებდა

ბარსელონა ფენერბაჰჩეში მეისონ გრინვუდის გადასვლამდე ინგლისელი თავდამსხმელის დამატების ვარიანტს სერიოზულად განიხილავდა.

კატალონიური კლუბის სპორტულმა დირექტორმა დეკომ 24 წლის ფეხბურთელი იმ დაბალბიუჯეტიან სამიზნეებში შეიყვანა, რომლებსაც ჰანსი ფლიკის შეტევის გაძლიერება შეეძლოთ.

მარსელში ჩატარებული შთამბეჭდავი პერიოდის შემდეგ, სადაც გრინვუდმა 81 მატჩში 48 გოლი გაიტანა, მისი სატრანსფერო ფასი საგრძნობლად გაიზარდა. ფლიკს იზიდავდა ინგლისელის ტაქტიკური გუნდურობა და უნივერსალურობა, თუმცა ბარსელონას ხელმძღვანელობამ ფეხბურთელის გარშემო არსებული სკანდალური რეპუტაციისა და კლუბის ღირებულებების გათვალისწინებით, ტრანსფერზე უარი თქვა.

შედეგად, კატალონიელებმა ყურადღება ენტონი გორდონსა და კარიმ ადეიემიზე გადაიტანეს. გრინვუდი კი 40 მილიონ ევროდ თურქულ ფენერბაჰჩეში გადაბარგდა, სადაც 4-წლიანი კონტრაქტი გააფორმა.