ბარსელონამ ლა ლიგაში გამარჯვების გემო გაიხსენა

ლა ლიგის ნაადრევად გამართული მე-19 ტურის მატჩში ბარსელონამ სტუმრად მალიორკა გაანადგურა.

შეხვედრა პალმა დე მალიორკაზე გაიმართა და ბარსას გამარჯვებით 5:1 დასრულდა.

ჰანსი ფლიკმა დასვენების საშუალება გუნდის მთავარ ბომბარდირს, რობერტ ლევანდოვსკის მისცა, რომლის არყოფნაშიც მთავარი მეგოლის როლი რაფინიამ მოირგო.

პირველი ტაიმი ფრედ 1:1 დასრულდა - ფერან ტორესი გოლს მურიქიმ უპასუხა.

შესვენების შემდეგ რაფინიამ პენალტით ბარსა წინ გაიყვანა, შემდეგ იამალის გენიალური პასით დუბლი შეასრულა, ბოლოს კი თავის გამოჩენა ფრენკი დე იონგმა და პაუ ვიქტორმაც მოახერხეს.

ბარსელონამ 37 ქულა დააგროვა, 3-მატჩიანი მოუგებელი სერია შეწყვიტა და პირველი ადგილი განიმტკიცა. მეორეადგილოსან რეალს, რომელიც 4 ქულით არის უკან, 2 მატჩით ნაკლები აქვს ჩატარებული.