ბასილაშვილმა მეორე იტალიელი ვეღარ დაამარცხა და უიმბლდონს გამოეთიშა

უიმბლდონის მეორე წრეში ნიკოლოზ ბასილაშვილი ლორენცო სონეგოს დაუპირისპირდა.

შეხვედრა იტალიელის გამარჯვებით 4 სეტში დასრულდა (6-1, 6-3, 6-7, 7-6). ქართველს მე-4 სეტში გათანაბრების შანსი ჰქონდა, თუმცა ტაიბრეიკზე დამარცხდა.

სონეგოს ანგარიშზე ამ თამაშში 11 ეისი, 0 ორმაგი შეცდომა, 30 ვინერი და 17 უნებლიე შეცდომა იყო. ბასილაშვილმა კი 5 ეისი, 9 ორმაგი შეცდომა, 41 ვინერი და 58 უნებლიე შეცდომა მიითვალა.

ნიკოლოზმა ლორენცო მუსეტის დამარცხების შემდეგ, მეორე იტალიელს ვეღარ მოუგო და უიმბლდონის წლევანდელ ტურნირს გამოეთიშა.

სონეგო მომდევნო ეტაპზე ნაკაშიმას შეხვდება, რომელმაც ოპელკა დაამარცხა 4 სეტში.