ბერძნულ-რომაულის მსოფლიო - საქართველომ პირველი მედალი მოიპოვა

სლოვაკეთის დედაქალაქ ბრატისლავაში მიმდინარე ბერძნულ რომაული ჭიდაობის 20-წლამდელთა მსოფლიო ჩემპიონატზე, საქართველოს ნაკრებმა პირველი მედალი მოიპოვა.

130 კგ. წონით კატეგორიაში, ფურცელაძემ 1/8 ფინალური შეხვედრა ინდოელ მეტოქესთან იოლად მოიგო (7:1), 1/4 ფინალში კი მომავალ ფინალისტ უნგრელ სიმონ ლაშლოსთან დამარცხდა და ასპარეზობა რეპეშაჟში გააგრძელა.

ორივე დაპირისპირებაში დამაჯერებლად გაიმარჯვა (ჩინელ და ეგვიპტელ მეტოქესთან), ბრინჯაოს პრიზიორი გახდა და ჩვენს გუნდს ტურნირზე პირველი მედალი მოუტანა.

დღეს, ფინალურ შეხვედრაში, ოქროს მედლისთვის იჭიდავებს 19 წლის კობა ქარუმიძე (55 კგ.), რომელიც 18 წლის ირანელ არმინ საადი შამსიპურჯაჯის დაუპირისპირდება. ბრინჯაოს მედლის მოგების შანსი აქვს არმან მკრტჩიანს (97 კგ.).