ბითაძისა და მამუკელაშვილის სტატისტიკა - მეჯიქმა და სპურსმა წააგეს

NBA-ს რეგულარულ სეზონში ქართველების გუნდებმა მორიგი მატჩები გამართეს.

ორლანდო მეჯიქი ჰიუსტონ როკეტსს დაუპირისპირდა და 97-84 დამარცხდა. 12 წუთი მიეცა სათამაშოდ გოგა ბითაძეს, რომელმაც 4 ქულა და 2 მოხსნა მიითვალა.

მეჯიქი 66 მატჩში 30 გამარჯვებით აღმოსავლეთ კონფერენციაში მე-8 ადგილზეა და პლეი-ინის ზონაშია.

რაც შეეხება სან ანტონიო სპურსს, მათი მეტოქე დალას მავერიქსი იყო და მატჩი ამ უკანასკნელის გამარჯვებით 129-133 დასრულდა.

სანდრო მამუკელაშვილმა პარკეტზე 10 წუთი გაატარა, რა დროშიც 3 ქულა, 4 მოხსნა და 2 შედეგიანი გადაცემა ჩაიწერა აქტივში.

სპურსი 63 შეხვედრაში 26 მოგებით დასავლეთ კონფერენციაში მე-13 ადგილს იკავებს.